Your address will show here +12 34 56 78
Narratibak

Oñatiko San Lorenzo auzoko bi atarietako teilatuetan instalatutako plaka fotovoltaikoak dagoeneko martxan daude eta bertako etxeak autokontsumitzen ari dira

Eñaut Iturbe

 

FV Etxean ekimena, H-Enea Living Lab sustatu du eta D2030 Garapen Iraunkorreko Sarearen bidez finantzatu den ekimena da. Helburua, Debagoienako bizilagunen komunitateetan autokontsumorako fotovoltaikoak ezartzeko prozesua martxan jartzea izan da.

Helburuak lortzeko estrategia bat gauzatu da, 2021 eta 2022 artean eta bizilagunen komunitateetan ezarri ahal izateko autokontsumo tipologia ezberdinetako 3 kasu erreal lortu dira.

Kasu erreal horietako bat Oñatiko San Lorenzo auzoan gauzatu da eta dagoeneko bertako bizilagunak, beraien teilatuetan sortzen den energia autokontsumitzen ari dira. Hori dela eta, San Lorenzo auzoko bizilagunekin bizi izandako prozesuaren balorazioa egin da.

FV Etxean San Lorenzo – Inpaktuak

2022ko azaroan Oñatiko San Lorenzo auzoko bi ataritan instalazio fotovoltaikoak egin zituen Ekitermik enpresak. Hauek dira bi atarietan egin diren instalazio fotovoltaikoen ezaugarriak:

San Lorenzo 31

San Lorenzo 54

Partehartzaileak /Bizilagun guztiak

8 / 8

6 / 8

Plaka kopurua (azalera)

18 (36m2)

16 (32m2)

Sorkuntza

9.001 kWh/urte

7.071 kWh/urte

Prozesuaren denbora (hilabeteak)

18

18

Instalazio fotovoltaikoa

(€ BEZ barne)

12.495,67

10.176,10

Instalazio elektrikoaren berritzea (€ BEZ barne)

2.544,00

2.523,00

Inbertsioa guztira

(€ BEZ barne)

15.039,67

12.699,10

Diru-laguntza - EEE/EVE (€)

5.814,90

5.168,80

OHZ/IBI Hobaria (€)

%50

%50

Inbertsioa etxeko (€)

1.879,95

2.011,39

Bizilagunek bizi izan duten prozesuaren inguruko balorazioa egin da, bizilagunen komunitate batean egin den lehenbiziko instalazio fotovoltaikoaren inguruko ondorioak jasoz:

Bizilagunen gehiengoa jubilatua da eta bataz beste 2 pertsona bizi dira etxebizitza bakoitzean

Instalazio fotovoltaikoa egiteko erabakia hartzean, arrazoi nagusiak aurrezpen ekonomikoa eta ingurumena izan ziren.

Orokorrean, bizi izandako prozesua bizilagunek ondo baloratu dute. Instalazioa egin ahal izateko hainbat ustekabe izan dituzte. Adibidez, instalazio fotovoltaikoa egin ahal izateko, eraikineko instalazio elektrikoa gaur egungo segurtasun irizpidetara moldatu behar izan zuten eta horrek gainkostu bat ekarri zien bizilagunei.

2023ko martxoan instalazio fotovoltaikoa martxan jarri zenetik, teilatuan sortutako energia 5 etxebizitzetan autokontsumitzen ari dira. Aldiz, beste 9 etxebizitzek, oraindik ez dute autokontsumoa adierazten duen fakturarik jaso.

Kontratatuta duten merkaturatzaileei dagokinez, gehiengoak Oñatiko merkaturatzaile publikoa den Merkaoña S.L. dute kontratatua. Merkaoñak CHC Energía merkaturatzailearekin egiten du lan. Beste bizilagunek, Iberdrola, Endesa, Naturgy edo Goiener dute kontratatua. Merkaturatzaile batzuk arazoak izaten ari dira, autokontsumo fakturak bidaltzerako garaian.

Autokontsumitzen ari diren 5 etxebizitzek gehien baloratzen dutena energia fakturetan izan duten aurrezpen ekonomikoa izan da. Hala ere, energia hori beraiek autoekoiztua izatea eta ondorioz garbiagoa izatea ere baloratzen dute. 

Dagoeneko autokontsumitzen ari diren bizilagunen elektrizitate fakturak aztertu ondoren, hurrengo ondorioak atera ditugu:

  • Guztira batazbeste hilabete batean teilatuan sortutako energia etxeko 133,79 kWh izan dira. Kontuan izan behar da jasotako datuak 2023-ko uda sasoikoak direla.

  • Batazbeste autokontsumitutako energia etxeko 74,78 kWh izan dira, horrek suposatzen du teilatuan sortutako energia horren %42-a autokontsumitu dela.

  • Aldiz, teilatuan sortutako energiatik %60-a ez da autokontsumitu, hortaz, batazbeste soberako energia etxeko 80,21 kWh izan da. Soberako energia kontsumitzen den energia baino merkeago saltzen da. Horregatik, bizilagunek kontsumo ohiturak aldatuz gero, adibidez, eguzkiak gehien ekoizten duen tarteetan etxetresnak programatuz, autokontsumo portzentaia handituko lukete, aurrezpen ekonomikoa areagotuz.

  • Hala ere, batazbeste 20 euro aurreztu ditu bizilagun bakoitzak hilabete bateko elektrizitate fakturan, ia fakturaren erdia (%46). Autokontsumo gabe batazbeste hilabete batean, 42,39 euro ordainduko luke etxebizitza bakoitzak eta aldiz, autokontsumoa aplikatzean batazbeste, 22,41 euro ordaindu dituzte etxebizitza bakoitzak.

  • Bizilagunek zailtasunak dituzte faktura berriak ulertzeko. Autokontsumo fakturetan, 3 kontzeptu bereizten dira: Kontsumitutako energia, autokontsumitutako energia eta soberako energia. Bizilagunek eskatuta, San Lorenzoko bizilagunekin formakuntza saio bat antolatuko dugu, fakturak ulertzen ikasteko.

Instalazio fotovoltaiko bat bizilagunen komunitate batean egiten den lehenetarikoak izan dira San Lorenzo auzokoak eta orain arte 44 pertsona inguruk galdetu diote instalazio fotovoltaikoari buruz. Inguruko bizilagunek edota kalean galdetu dioten pertsonek interesa erakutsi dute, haiek ere beraien komunitateetan instalazio fotovoltaiko bat egiteko.

Dagoeneko, Debagoienan gutxienez beste 20 komunitatetan plaka fotovoltaikoen instalazio prozesua martxan dute, guztira 116 etxebizitzak autokontsumoa egitea ahalbidetuz.

Oñatiko San Lorenzo auzoko bizilagunen bi komunitatetan eginiko instalazio fotovoltaikoaren bidez, autokontsumorako instalazio fotovoltaikoak egin nahi dituzten beste komunitate batzuek prozesuaz ikasi dezakete. Aurretik jasotako balorazioez gain, jarraian ikus daiteke Oñatiko San Lorenzo auzoan egin diren bi instalazio fotovoltaikoek izan duten prozesua denboran zehar autokontsumitzen hasi diren arte:

HILABETEA

DATA

SAN LORENZO - MUGARRIAK

1

2021 urria

- Kontagailuen neurketa

- Lehendakariarekin bilera

- Aurrekontua

2

2021 azaroa

- Bilera komunitatearekin
- Erabakia

4

2022 urtarrila

- Obra-lizentzia eskaera
- Obra-lizentzia

5

2022 otsaila

- EEE/EVE diru-laguntza eskaera
- Espedientea ireki (banatzailea)

9

2022 ekaina

- EEE/EVE ebazpena
- Instalazio elektrikoa berrizteko aurrekontua

12

2022 iraila

- Espedientea onartu (banatzailea)

14

2022 azaroa

- Plaka fotovoltaikoen instalazioa

18

2023 martxoa

- Sorkuntza kontagailua instalatu (banatzailea)
- Autokontsumo kontratua sinatu (merkaturatzailea)

0

Narratibak

Dagoeneko Debagoieneko 724 etxebizitza batu dira olatu fotovoltaikora

 

Eukene Barrenetxea eta Eñaut Iturbe

  

Bi urteko epearen baitan aldaketa nabarmena eman da Debagoieneko etxebizitzetan energia fotovoltaikoaren inguruan. Ordutik, bailarako etxebizitzen %2,57-ak plaka fotovoltaikoak instalatu edo instalatzeko bidean daude beraien bizilagun-komunitateko teilatuetan.


H-Enea Living Lab-en helburua Debagoieneko bizilagunen teilatuetan fotovoltaika instalatuko duten etxebizitzen masa kritiko bat sortzea izan da. Horrela, trantsizio energetikoa sustatuko duen mugimenduaren lehenengo erreferente izanez, oinarriak finkatuz eta atxikipen soziala eraginez.


Ikerketa zientifikoen arabera, masa kritiko bat bideragarria izateko behar den ehuneko minimoa %2,5-a da.



Atxikitze-soziala: 3 olatu 2 urtetan


· Lehenengo olatua
2021ean hasi zen eta eskualdeko 3 herritan egin ziren 3 piloturen bidez bultzatuta. Guztira 160 etxebizitzek hartu zuten parte eta horietatik 131 komunitateetako autokontsumora bideratu ziren eta 29, berriz, etxebizitzetako autokontsumora.

· 2022ko lehen seihilekoan, bigarren olatu bat eman zen, honako hau, inolako esku-hartze berezirik gabe, atxikipen soziala deritzogun fenomenoaren bidez. Modu naturalean beste 49 etxebizitza berri batu ziren etxebizitzetako autokontsumo modalitatera, 6 erkidegotan sailkatuta.

· Hirugarren olatua, 2022ko uda ostean hasi zen: 33 komunitatetako 515 etxebizitzek aurrekontua eskatu zuten teilatuetan plaka fotovoltaikoak instalatzeko. Zehazki, 279 komunitateetako eta 236 etxebizitzetako kontsumoa hornitzeko.



Ingurumen inpaktuak:

 

· Energia ikuspegitik, 0,32 GWh sortuko dituzte aurreikusitako 44 instalazio fotovoltaikoek. Honek 145 etxebizitzek kontsumitzen dutena eguzki-energiatik hornitzea ahalbidetzen du.

· 724 etxebizitza hauek hartutako erabakiek urtean 94 tona CO2 isurtzea saihestuko dute.



Ekimenaren eragin ekonomikoa:


Kalkuluen arabera, D2030 Garapen Iraunkorreko Sareak bizilagun- komunitateak fotovoltaikoetara atxikitzeko sustapen-ekimen hau finantzatzeko erabilitako 49.350 euro hauek 500.000 euroko inbertsio bat ekarriko dutela aurreikusten da.

ETXEBIZITZA KOPURUA

 TEILATUETAN ERABILITAKO AZALERA
(m2)

724

1314

INSTALAZIO FOTOVOLTAIKOAK

 AURREIKUSITAKO INSTALATUTAKO POTENTZIA
(KW)

44

288

 AURREIKUSITAKO INBERTSIOA
(€)

 INPAKTUA ENERGIAN
GWh/urtean

501.978 €

0,32

AURREIKUSITAKO DIRU-LAGUNTZA
(€)

 INPAKTUA CO2 ISURKETETAN
TCO2/urtean

207.084 €

94,16

INPAKTUA BERRIKUNTZA BEREGANATZEAN
Etxe kopurua / Debagoienako etxe kopurua

2,57%

Badaude Fotovoltaiken olatuetan parte hartu duten beste eragile esanguratsu batzuk ere: D2030 Garapen Iraunkorrerako Sarea (finantzatzaile nagusi gisa), Arrasateko Udaletxea (SHREC proiektu europarraren bidez finantzatzaile gisa), Antzuolako Natur baliabide Erabilera taldea, Oñatiko San Lorentzo auzoko herritarrak, Uribesalgo Finka Administratzailea eta Ekitermik enpresa, besteak beste.

0

Narratibak

BIRGAITZEN proiektuko esperientziaren ebaluaketa bat egin zuten Boluko auzokideek pasa den ostiralean, Irizar jauregian.

 

Nortzuk: Boluko auzokideak,  H-ENEA Living Lab-eko taldea eta Ion Leihoak enpresa.

 

Zer: Debagoiena 2030 Garapen Iraunkorrerako Sareak finantziatutako Birgaitzen Bolu ekimenaren balorazioa egiteko bildu ginen.

 

Aurrekariak: Birgaitzen Boluk, banakako etxeetan isolamendua jartzeko sistema bat sustatzen du. Prozesuan parte hartzeko bi ezaugarri bete behar izan dira. Ekimena taldean egitea eta ikasitakoa taldean partekatzea. Prozesua 2021eko otsailean jarri zen martxan eta Bolu auzoko 8 etxebizitzek hartu dute parte.

 

Ondorioak:  

  • Orokorrean esperientzia oso ondo baloratu dute parte hartzaileek.

  • Isolamendua egin dutenetik etxea epelago dago, iparraldera ematen duten etxeek, alde handia somatu dute tenperatura hobeto mantentzen delako alde hartako logeletan.

  • Bestalde, errepide aldera ematen duten geletan zarataren murrizketa handia nabaritu dute bizilagunek.

  • Etxeko tenperatura neurtu dutenek 2 eta 2,5 C° igoera eman dela egiaztatu dute.

  • Orokorrean, berogailua gutxiago jartzen dutela diote denek.

  • Parte hartzaile batek bere etxeko leihoak aldatzea erabaki du berogailuaren kontsumoa murrizteko. 

  • 2021 eta 2022ko neguko hilabete hotzetako fakturen konparaketa egin den arren, 2022ko negua hotzagoa izan da. Hortaz kontsumoen konparaketak ez du informazio deigarririk eman.

  • Erosketa kolektiboaren bidez 200,00 eta 300,00 EUR bitarteko aurrezpena jaso dute parte hartzaileek erosketan.

  • Parte hartzaile denek, ordaindutakoaren %18a jasoko dute errenta aitorpenaren bidez. Obra lizentziaren ordainketa barne.

 

Etorkizunari begira, zerrenda berri bat sortuko da, eta izena eman nahi dutenak Boluko Imaz Harategira hurbildu beharko dira. Prozesuan parte hartzeko 10 pertsonek eman behar dute izena eta taldeko ordezkari bat aukeratu beharko dute.

Birgaitzen proiektua, Antzuolako herrian ere martxan dago. Kasu honetan, profil sozioekonomiko baxuko etxeak parte hartzen ari dira, Antzuolako Udalaren laguntzaren bitartez.

 

Birgaitzen proiektuak orain arte izan dituen eraginak:

Etxebizitza kopurua

    39

Eginiko inbertsioa

    36.250,00 €

Urteko CO2 isurketen murrizketa

    16.653 kgCO2/urtean

Urteko energia kontsumoaren murrizketa

    65.520 kWh/urtean

Konfort sentsazioaren hobekuntza

    1-4ºC

0